هل إسم المرأة .. عورة !!

ج 1 انا ممكن قدام رفقاتي ما بذكر اسم اخواتي البنات ما بعرف ليه وعمري ما سالت نفسي هالسؤال ونعم اشعر بالحرج.......
ج2انا صحيح ما بذكر الاسماء بس ما بشعر الحرج وعادي اسم امي سهام
هههههههه
ج3انا ما بكتب اسماء بنات بجوالي مع انو جوالي خاص انا كاتب امي الحنونة وبالنسبة لاخواتي بكتب ام منذر ام نورس بس بالنسبة للاصدقاء عادي بكتبهن بصراحة وبدلعهن بالاسماء كمان يعني نسومة اسمها نسيمة
اميرو ............

انا من رأيي انا الرجل مابيخجل من اسم امو او اختو او زوجتو بس هاد شرفو و مابيقدر اي واحد يعرف اسمها وهاد شي طبيعي بيخاف على شرف حرمتو
بس في رجال من نوع تاني انهم اصلا يخجل بالمرأةمو باسمها بس وهاي الظاهر نلاقيها كتير في الارياف و المتدن الغير متقدمة
وهلا رح جاوب على الاسئله:
& للنساء &

س / كم رجل من عائلتك لايجد حرجا من ذكر اسمك أمام الناس ؟؟
تقريبا الكل وخاصتا اخي بيحكي البيت هههه

س / ماهو إحساسك تجاه حرج المجتمع من ذكر اسمك علناً ؟؟
بنسبة الي شي عادي لانو تعودنا عليه وصار ها الشي طبيعي بالنسبه لي

س / هل لديك كلمة توجهينا لكل من يجد حرجا من ذكر أسماء النساء ؟؟
اسم المرأة مو عيب لدرجة يحكيلو عورة بس هاي الظاهرة من زمان وظلت مع مرور الاجيال مع انو احنا في عصر التقدم بس هاي العادة ظلت عايشة معانا ورح تظل معانا


&& للجميع &&

س / لماذا يرفض مجتمعنا ذكر أسماء النساء ؟ وهل هناك أسباب منطقية لذلك ؟؟

يمكن عاااادات وتقاليد ان ما ينفع ان احد يعرف اسماء اهلك
بس احنا في مجتمع صعب يتغير .............. بسهوله
واصبح اغلب الناس هذا تفكيرهم...........

شكرا احساس على طرحك المميز موضوع مهم جدا
تقبلي مروري عزيزتي

شكرا على ردودكم و ارائكم وكل واحد الو احترام لوجهت نظرو
شرفني مروركم و تفاعلكم للموضوع شكرا

السلام عليكم شكرا اختي عهالموضوع القيم بالنسبة للجواب عن الاسالة بجاوب انشالله وبعطيكو رايي ج1 انا ما بخجل من ذكر اسم امي او زوجتي وانا بالبيت بنده باسم الوالدة عادي بس انا لما اناديها بام محمد بكبر بقيمتها لكن المشكلة بالي مريضين بقلوبهم وعقلهم وبدهم يستغلو هالشي والرسول صلى الله عليه وسلم سالوه من احب الناس الك جاوب عائشة وما خجل من حبو اواسمها عكسنا طبعااا ج2 اذا احد عرف اسم اختي او والدتي عادي مو هديك المشكلة بما انهم بحشمتهم واسلامهن مو باسمهن بس نحنا مجتمعاتنا هي الي عبيفرض هالشي علينااا الحمدلله ببلدي ما في هالشي اعتقد هالشي بالسعودية موجود بكترة ج3 بالنسبة لجوالي انا بكتب اسماء بنات عادي بس الصراحة للاهل بكتب الوالدة ولخواتي ام سعد وام قيس ياجماعة حتى اخي ما بكتب اسموو بكتب ابو مصطفى لانو بحترمو اكتر هيك ويعني نحنا بضل عنا غيرة عمحارمنا ولا ما بنكون مسلمين والواحد لما بغار عاسم امي او اختي فمن حبي الها او من خوفي حد يغلط عليهااا اخير بالنسبة لموضوع الديوث انشالله راح ابعتلكوو موضوع قيم بيووووو والرجاء لا تخلطو الامور ببعضها لانو الديوث هوي الي ما بغار ععرض اهلووووو مو عاسمهم ولكم جزيل الشكر

كلامك جواهر اخي وردك مميز لو كل الرجال متلك لكانت الدنيا بخير وعلى خير اشكرا على رأيك ومرورك العطر

ماااشـــــــــــــــــااء الله عليك اختي وزادك ربي من تقاه
شكراا لك على مرورك انشالله بنتعرف عليكم اكتر واكتر

& للنساء &

س / كم رجل من عائلتك لايجد حرجا من ذكر اسمك أمام الناس ؟؟

ما بظن انو بابا او حتى اخي عندهم مشكلة بهدا الامر بالنسبة للاسماء
والاسم أكيد مو عورة بس هي افكار قديمة ترسبت بعقول الناس من زمان
وصارت عادة من عاداتهم "انو ما يقولو اسماء اخواتهم وزوجاتهم امام الغريب"



س / ماهو إحساسك تجاه حرج المجتمع من ذكر اسمك علناً ؟؟

الحرج من الاسم لمجرد اعتبارو عورة ما بصير ينقال على الملأ ما بيزعج
يعني بنقدر نحترم وجهة نظر هدول الناس ونفهمها
بس الحرج من الاسم نفسو يعني شخص بيخجل يقول الاسم لأنو مو حلو
هي اهانة



س / هل لديك كلمة توجهينا لكل من يجد حرجا من ذكر أسماء النساء ؟؟

اسم المرأة ليس بعورة لا رسولنا ولا قراّننا أقرو بعورة الاسم
والا كيف لحد الان بنروي احاديث نبوية وبنقول عن "عائشة رضي الله عنها ... أو ..عن ام سلمة أو..."
وهم أشرف نساء العالمين


بالنهاية ورد شكر لكي يا غالية على مواضيعك المميزة